Azercell
Sayt "Azercell" Telekom MMC dəstəyi ilə yaradılıb

aipce wapc
Ünvan
Azərbaycan, Bakı ş.
T.Əliyev küçəsi 38

Telefonlar:
(+994 12) 541-59-49
Faks:
(+994 12) 441-35-30
Azərbaycan Mətbuat Şurasının “Kaspi” qəzetinin 135 illik yubiley təbriki

-

Azərbaycanın ictimai fikir tarixində əsası dahi mütəfəkkir və alim Həsən bəy Zərdabi tərəfindən qoyulmuş milli mətbuatımızın rolu son dərəcə böyükdür. Milli nəşrlərimiz XIX əsrin sonu - XX əsrin əvvəllərində dövrün görkəmli ziyalılarını öz ətrafında birləşdirərək dövlət müstəqilliyimizin ideoloji bazası rolunu oynamışlar. Bu şərəfli işi həyata keçirən mətbuat orqanlarımızdan biri də bu gün 135 illik yubileyini qeyd edən “Kaspi” qəzetidir.

“Kaspi” görkəmli ziyalıların, ictimai-siyasi xadimlərin və fikir dühalarının ideya və baxışlarının tribunasına çevrilmiş qəzetdir. Nəşr böyük xeyriyyəçi Hacı Zeynalabdin Tağıyevin himayədarlığı ilə azərbaycançılığı, türkçülüyü və İslam dini dəyərlərini əsas tutaraq son dərəcə müstəsna tarixi missiya yerinə yetirmişdir. Qətiyyətlə deyə bilərik ki, klassik mətbu irsimizin nümunəvi daşıyıcısı olan yubilyar nəşrin keçdiyi 135 illik yol fəxarət və qürur mənbəyimizdir.

“Kaspi” dedikdə gözlərimiz önündə bütöv bir mərhələ canlanır. Bu günün “Kaspi”si isə gündəlik ictimai-siyasi qəzet kimi fəaliyyəti, təşəbbüsləri, həyata keçirdiyi layihələri ilə həmin tarixi mərhələyə işıq saçır. Nəşrin dəst-xətti yüksək peşəkarlıqdan, məsuliyyətdən və həssaslıqdan qidalanır, ənənələrə sadiqlik ruhuna köklənir. “Kaspi”ni geniş oxucu auditoriyasına sevdirən də məhz budur.

“Kaspi” qəzetinə əlamətdar gün – 135 illik yubiley təbriklərini çatdırmaqdan məmnunluq duyuruq. Nəşrin rəhbərliyinə və kollektivinin hər bir üzvünə möhkəm cansağlığı, yeni-yeni yaradıcılıq uğurları arzulayırıq. Əminik ki, üç əsrin qəzeti olan “Kaspi” müstəqil Azərbaycan Respublikasının var olduğu əsrlərə işıq saçacaq. Bu varlıq işığı isə əbədi və dönməzdir.

135 illik yubileyiniz mübarək, əziz həmkarlar!

Azərbaycan Mətbuat Şurası


14
sentyabr
Əflatun Amaşov Gürcüstanın Azərbaycandakı səfiri ilə görüşüb

-

ətraflı »
14
sentyabr
İranın Azərbaycandakı Səfirliyinin mətbuat katibi ilə KİV nümayəndələrinin görüşü keçirilib

-

ətraflı »
07
sentyabr
Azərbaycan Mətbuat Şurası «Mediada Azərbaycan dilinin qorunması: problemlər və perspektivlər» mövzusunda «dəyirmi masa» keçirib

-

ətraflı »
26
avqust
Mətbuat Şurasında türk dünyasından olan bir qrup şair və yazıçı ilə görüş keçirilib

-

ətraflı »
27
iyul
Azərbaycan Mətbuat Şurası ilə Udmurdiya Jurnalistlər İttifaqı arasında anlaşma memorandumu imzalanıb

-

ətraflı »
24
iyul
Mətbuat Şurasının İdarə Heyətinin iclası keçirilib

Bu gün Azərbaycan Mətbuat Şurasının İdarə Heyətinin növbəti iclası keçirilib

ətraflı »