Azercell
Sayt "Azercell" Telekom MMC dəstəyi ilə yaradılıb

aipce wapc
Ünvan
Azərbaycan, Bakı ş.
T.Əliyev küçəsi 38

Telefonlar:
(+994 12) 541-59-49
Faks:
(+994 12) 441-35-30
İranın Azərbaycana yeni təyin edilmiş səfiri Mətbuat Şurasında olub

-

İran İslam Respublikasının Azərbaycana yeni təyin edilmiş fövqəladə və səlahiyyətli səfiri Cavad Cahangirzadə Azərbaycan Mətbuat Şurasında olub. 

MŞ sədri, Milli Məclisin deputatı Əflatun Amaşov qonağı rəhbərlik etdiyi qurumun iş istiqamətləri barədə məlumlandırıb. O bildirib ki, MŞ gündəlik fəaliyyət missiyası ilə yanaşı jurnalistlərin dünyanın müxtəlif ölkələrinin media quruluşları ilə əlaqələrinin formalaşmasını həyata keçirməkdədir. Bu baxımdan qonşu ölkə olan İranın kütləvi informasiya vasitələrinin təmsilçiləri ilə qarşılıqlı təmaslar da olduqca vacibdir. «İran və Azərbaycanı bir-birinə ortaq tarix bağlayır. Bu tarix hər iki ölkə xalqlarının keçmişdəki yaşantılarına əsaslanır. Bu yaşantılarda isə ortaq mədəniyyət, adət və ənənələr var. Hesab edirəm ki, hazırda hər iki ölkənin jurnalistləri özlərinin yaradıcılıq məhsulları ilə ənənələri yaşatmalı, eyni zamanda təcrübə mübadiləsi aparmalıdırlar», - deyən MŞ sədri əlavə edib ki, ötən müddətdə İrandan Azərbaycana, Azərbaycandan İrana çoxsaylı jurnalist səfərləri reallaşıb. Bu işin həyata keçirilməsində İranın Azərbaycandakı keçmiş səfiri Mohsin Pakayinin xidmətləri böyük olub. Ə.Amaşov C.Cahangirzadənin əsası qoyulmuş xoş ənənəni daha məhsuldar şəkildə davam etdirəcəyinə əminliyini vurğulayıb.

İranın Azərbaycandakı səfiri C.Cahangirzadə İran və Azərbaycan arasındakı münasibətlərin yüksək inkişaf tempinə malik olduğunu bildirib. O deyib ki, bu münasibətlərin media müstəvisində də müntəzəm şəkil alması olduqca faydalıdır və rəhbərlik etdiyi diplomatik missiya prosesə hər cür dəstək verməyə hazırdır.

Görüşdə yaxın gələcəkdə İrandan Azərbaycana, Azərbaycandan isə İrana jurnalistlərin qarşılıqlı səfər proqramının gerçəkləşdirilməsi, habelə media təmsilçilərinin iştirakı ilə birgə konfransların təşkili məsələləri müzakirə edilib.

MŞ sədri həmçinin bilbirib ki, noyabrın 5-də İran İslam Respublikası Mətbuat və Xəbər Agentliklərinin 22-ci sərgisində iştirak etmək üçün İranın paytaxtı Tehrana səfər edəcək. Deputat səfərin qarşılıqlı media əməkdaşlığını gücləndirmək baxımından faydalı görüşlərlə yadda qalacağına əminliyini vurğulayıb.

 

 


01
noyabr
Azərbaycan Mətbuat Şurasının İdarə Heyətinin iclası keçirilib

-

ətraflı »
27
oktyabr
Azərbaycan Mətbuat Şurasının bəyanatı

-

ətraflı »
25
oktyabr
Mətbuat Şurasında ərəb ölkələrindən olan bir qrup jurnalistlə ölkəmizin KİV rəhbərlərinin görüşü keçirilib

-

ətraflı »
24
oktyabr
İranın İRNA Xəbər Agentliyinin baş direktoru Mətbuat Şurasında olub

-

ətraflı »
14
sentyabr
Əflatun Amaşov Gürcüstanın Azərbaycandakı səfiri ilə görüşüb

-

ətraflı »
14
sentyabr
İranın Azərbaycandakı Səfirliyinin mətbuat katibi ilə KİV nümayəndələrinin görüşü keçirilib

-

ətraflı »