Azercell
Sayt "Azercell" Telekom MMC dəstəyi ilə yaradılıb

aipce wapc
Ünvan
Azərbaycan, Bakı ş.
T.Əliyev küçəsi 38

Telefonlar:
(+994 12) 541-59-49
Faks:
(+994 12) 441-35-30
Mətbuat Şurasının Şikayətlər üzrə Komissiyasının iclası keçirilib

-

3 KİV-lə bağlı məsələ «Reket jurnalistika»ya qarşı

mübarizə Komissiyasında araşdırılacaq

Bu gün Azərbaycan Mətbuat Şurasının Şikayətlər üzrə Komissiyasının növbəti iclası keçirilib. MŞ sədri Əflatun Amaşov komissiyanın üzvlərinə gündəliyə daxil edilməsi tövsiyə olunan məsələlər barədə məlumat verib. Gündəlik müzakirə olunaraq təsdiqlənib.

Öncə İsmayıllı Rayon İcra Hakimiyyətinin və İsmayıllı Olimpiya İdman Kompleksinin «İskra.az» saytından şikayətlərinə baxılıb. Müzakirələr zamanı vurğulanıb ki, bu onlayn qəzetdən narazılıq doğuran materiallarda «Azərbaycan Jurnalistlərinin Peşə Davranışı Qaydaları»nın əksər prinsip və bəndlərinin tələblərinə tam sayğısızlıqla yanaşılıb. Silsilə yazılarda şərəf və ləyaqətin təhqirinə, işgüzar nüfuzun ləkələnməsinə yönələn fikirlərə, ifadələrə yer verilib. Komissiya bunların, xüsusən mənəvi müstəvidə aşağılanmaya hesablanmış cəhətlərin sayt rəhbərliyinin jurnalist fəaliyyətilə bir araya sığmayan maraqlarından qaynaqlandığı qənaətinə gəlib. Ona görə də Mətbuat Şurasının məsələ ilə bağlı bağlı daha doğlun qərar çıxarması üçün toplanmış materialların MŞ-nin «Reket jurnalistika»ya qarşı mübarizə Komissiyasında da araşdırılması məqsədəuyğun sayılıb.

İclasda daha iki kütləvi informasiya vasitəsi - «Maqnat.tv» və «Azerinfo.az» saytları barədə şikayətlərin də həmin komissiyada araşdırılması məqsədəmüvafiq hesab edilib. Ağcabədi Rayon Təhsil Şöbəsinin «Maqnat.tv» ilə əlaqədar müraciətinin müzakirəsində saytın qərəzli və məqsədli göründüyü təmsilçi kimi iclasa qatılan baş redaktorun nəzərinə çatdırılıb. Bildirilib ki, sərlövhəsində ittiham xarakteri daşıyan informasiya faktlara, dəlil-sübutlara deyil, ümumi mülahizələrə əsaslanır, böhtan xarakteri daşıyır. Yazının dili də olduqca qüsurludur.

İclasda şikayətçi tərəf kimi iştirak edən Bank Olmayan Kredit Təşkilatı «Vijn Fond AzərKredit» MMC-nin təmsilçisi bildirib ki, «Azerinfo.az» saytının bu qurum barədə gedən yanlış yazısı ilə bağlı həmin KİV-in elektron ünvanına şikayətçinin mövqeyi göndərilib. Lakin qarşı tərəf həmin mətnin dərcini həyata keçirməyib. Halbuki «Azerinfo.az»ın istinad etdiyi sayt «Kütləvi inofrmasiya vasitələri haqqında» Azərbaycan Respublikasının Qanununun bu tələbinə əməl edib.

 

 


29
dekabr
MŞ-nin Şikayətlər üzrə Komissiyası 2017-ci ildəki sonuncu iclasını keçirib

-

ətraflı »
26
dekabr
Mətbuat Şurasının Şikayətlər üzrə Komissiyasının iclası keçirilib

-

ətraflı »
26
dekabr
MŞ-nin “apellyasiya qrupu”nun iclası keçirilib

-

ətraflı »
22
dekabr
Veteran jurnalist Məzahir Süleymanzadənin 65 illik yubileyinə həsr olunmuş toplantı keçirilib

-

ətraflı »
22
dekabr
Mətbuat Şurasında Azərbaycan İctimaiyyətlə Əlaqələr Mütəxəssisləri Assosiasiyasının təmsilçiləri ilə görüş keçirilib

-

ətraflı »
21
dekabr
Qələmdən süzülən qüdrət – Mətbuat Şurasının İdarə Heyətinin üzvü Vüqar Rəhimzadənin 50 illik yubileyi münasibəti ilə tədbir keçirilib

-

ətraflı »