Azercell
Sayt "Azercell" Telekom MMC dəstəyi ilə yaradılıb

aipce wapc
Ünvan
Azərbaycan, Bakı ş.
T.Əliyev küçəsi 38

Telefonlar:
(+994 12) 541-59-49
Faks:
(+994 12) 441-35-30
Avropalı media ekspertləri və jurnalistlər Azərbaycan Mətbuat Şurasında olublar

-

Bu gün Mətbuat Şurasında Azərbaycan Respublikasının Prezidenti yanında Qeyri-Hökümət Təşkilatlarına Dövlət Dəstəyi Şurasının dəvətilə ölkəmizdə səfərdə olan Almaniya və Böyük Britaniya jurnalistləri və media ekspertləri ilə görüş keçirilib.

Qonaqları salamlayan MŞ sədrinin müavini, Beynəlxalq Avrasiya Mətbuat Fondunun rəhbəri Umud Rəhimoğlu onlara təmsil olunduğu qurumun fəaliyyət istiqamətləri barədə məlumat verib. O bildirib ki, 2003-cü ildə ölkə jurnalistlərinin I qurultayında yaradılmış Mətbuat Şurasının əsas missiyası media-ictimaiyət, media-hakimiyyət münasibətlərinin tənzimlənməsindən ibarətdir. «Mövcud xüsusda həyata keçirilən ən mühüm iş müxtəlif vətəndaş qruplarının kütləvi informasiya vasitələrində dərc olunmuş materiallarla bağlı şikayətlərinin araşdırılmasıdır. Şura eyni zamanda söz və ifadə azadlıqları, jurnalist peşəkarlığının artırılması məsələlərinə önəm verir. Bu istiqamətdə müxtəlif beynəlxalq təşkilatlarla da intensiv əməkdaşlıq edirik», - deyən U.Rəhimoğlu konkret olaraq Beynəlxalq Mətbuat İnstitutu ilə münasibətlərin səmərəli nəticələri üzərində dayanıb.

MŞ İdarə Heyətinin üzvü, «İki sahil» qəzetinin baş redaktoru Vüqar Rəhimzadə Şuranın komissiyalarının fəaliyyəti barədə söhbət açıb. O, həmçinin Azərbaycan mediasındakı bəzi xarakterik cəhətlərə diqqət çəkib. MŞ İdarə Heyətinin digər üzvü, Orta Asiya və Cənubi Qafqaz Söz Azadlığı Şəbəkəsinin rəhbəri Azər Həsrət çıxışında Azərbaycan həqiqətlərinin dünya mediasında yayılması ilə əlaqədar bəzi mənfi meyllərdən danışıb, belə halların aradan qaldırılması üçün qarşılıqlı əməkdaşlığın zəruriliyini önə çəkib.

Berlində fəaliyyət göstərən Humbolt Universitetinin AvroQafqAsiyaTəşkilatının nümayəndəsi Yeva Mariya Aux Ermənistan-Azərbaycan, Dağlıq Qarabağ münaqişəsinin Almaniya və Böyük Britaniya mediasında işıqlandırılımasına dair hesabatların təqdimatı məqsədilə ölkəmizdə olduqlarını bildirib. Xanım Aux ümumən Avropa mediasında Dağlıq Qarabağ həqiqətlərinə münasibətdəki tendensiyalardan söz açıb və bildirib ki, Azərbaycanla əlaqədar materiallar üçün başlıca cəhət balansın gözlənilməməsidir. O, bu baxımdan Almaniya mediasındakı xarakterik cəhətləri sadalayıb və hesabatda belə məqamlara elmi nöqteyi-nəzərdən sistemli şəkildə yanaşıldığını vurğulayıb.

Birmingem Universitetinin Rusiya və Şərqi Avropa Araşdırmalar Mərkəzinin təmsilçisi Qalina Yemelyanova tədqiqat işinin Britaniya mediası ilə əlaqədar istiqamətindən bəhs edib. O, xüsusən də Xocalı həqiqətlərinə yanaşmada bu ölkə KİV-lərinin balanslaşdırılmış xətt tutmadıqlarına dair müəyyən məqamların olduğunu açıqlayıb.

Görüşdə Almaniyanın ARD radiosunun əməkdaşı David Qössmanın və müstəqil jurnalist Birgit Vezzelin Mətbuat Şurasının fəaliyyəti, eləcə də Azərbaycan mediası ilə bağlı sualları cavablandırılıb. Müzakirələr gedişində Azərbaycanın zaman-zaman ikili standartlar siyasətindən zərər çəkdiyi qeyd edilib. Ermənistan-Azərbaycan, Dağlıq Qarabağ münaqişəsinin Almaniya və Böyük Britaniya mediasında işıqlandırılımasına dair hesabatların mövcud istiqamətdəki xoşagəlməz təmayüllərin aradan qaldırılmasında əsaslı rol oynayacağına əminlik ifadə olunub.

Qeyd edək ki, görüşdə həmçinin Birmingem Universitetinin Rusiya və Şərqi Avropa Araşdırmalar Mərkəzinin azərbaycanlı təmsilçisi Kəmalə İmranlı-Louv və Humbolt Universitetinin AvroQafqAsiyaTəşkilatının azərbaycanlı nümayəndəsi Ziya Qazıyev də iştirak ediblər.


13
oktyabr
Azərbaycan Mətbuat Şurasının sədri Avropa Mətbuat Şuraları Alyansının illik toplantısında iştirak edib

-

ətraflı »
10
oktyabr
MŞ sədri Avropa Mətbuat Şuraları Alyansının illik toplantısına qatılacaq

-

ətraflı »
07
oktyabr
Mətbuat Şurası mitinqdə monitorinq aparıb

-

ətraflı »
05
oktyabr
Mətbuat Şurasının Şikayətlər üzrə Komissiyasının iclası keçirilib

-

ətraflı »
02
oktyabr
MŞ və BAMF-ın birgə təşəbbüsü ilə cəbhə bölgəsinə səfər təşkil olunub

-

ətraflı »
14
sentyabr
“Qafqaz İslam Ordusu və Bakının qurtuluşu” mövzusunda konfrans keçirilib

-

ətraflı »