Azercell
Sayt "Azercell" Telekom MMC dəstəyi ilə yaradılıb

aipce wapc
Ünvan
Azərbaycan, Bakı ş.
T.Əliyev küçəsi 38

Telefonlar:
(+994 12) 541-59-49
Faks:
(+994 12) 441-35-30
Bu gün Azərbaycan Mətbuat Şurasının Şikayətlər üzrə Komissiyası iclasını keçirib

-

3 sayta MŞ-nin xəbərdarlığı olunub

Bu gün Azərbaycan Mətbuat Şurasının Şikayətlər üzrə Komissiyası iclasını keçirib. Gündəliyə müzakirələrdən sonra 7 məsələ daxil edilib.

Öncə «Hürriyyət» qəzetinin müraciətinə baxılıb. Şikayətdə göstərilib ki, qəzetin əmtəə nişanı rəsmi dövlət qeydiyyatına alınmasına baxmayaraq, ölkədə «hurriyet.az» və «hurriyyet.info» adları altında saytlar fəaliyyət göstərməkdədir. Bu isə mətbu nəşrin və redaksiyanın nüfuzunu zərbə vurmaqdadır. Komissiya cavabdeh tərəfi də  dinləyərək belə rəyə gəlib ki, ümumiyyətlə tanınmış KİV-lərin adlarının təkrarı olan onlayn media vasitələrinin təsisi haqlı narazılığa səbəb olur. Buna görə də hər iki sayta adlarını dəyişdirmək tövsiyə edilib.

Komissiya praktikada belə hallar barədə Mətbuat Şurasına müraciətlərin mövcudluğunu nəzərə alaraq MŞ-də domen satışı ilə məşqul olan şirkətlərin iştirakı ilə tədbir keçirilməsini məqsədə müvafiq hesab edib.

İclasda 3 sayta xəbərdarlıq olunması barədə rəy çıxarılıb. Bunlar «azerinfo.org», «siam.az» və «24 saat.org»dur. Komissiya bu zaman hər 3 saytın Nərimanov Rayon İcra Hakimiyyəti barədə təqdim etdiyi materiallarda etik prinsiplərin bir sıra tələblərinin pozulduğunu, qarşı tərəfin fikirlərinə yer verilmədiyini  əsas götürüb.

Kürdəmir Rayon Mərkəzi Xəstəxanasının şikayətini doğuran yazılar «Bizim dövr» qəzetinin elektron versiyasından və «dia.az» saytından götürüldüyü üçün, komissiya bu qurumdan MŞ-yə ünvanlanan müraciəti həllini tapmış hesab edib.

İclasda vurğulanıb ki, son vaxtlar bank kredit sektoruna aid bir sıra qurumlar barədə saytlarda total şəkildə məlumatlar yayımlanmaqdadır. Həmin materiallarda etik prinsiplərin tələblərinin gözlənilməməsi haqlı narazılıqlar yaradır. Azərbaycan Banklar Assosiasiyasının 19,Yapı Kredi Bankın 20 sayt barədə şikayəti buna misal göstərilib. Komissiya hər iki quruma məsələnin hüquqi müstəvidə həllini tövsiyə edib. Həmçinin assosiasiyaya sahədən yazan jurnalistlərin peşakarlığının artırılması məqsədi ilə təlimlər keçirməsi tövsiyə olunub.

 

 

 


14
sentyabr
Əflatun Amaşov Gürcüstanın Azərbaycandakı səfiri ilə görüşüb

-

ətraflı »
14
sentyabr
İranın Azərbaycandakı Səfirliyinin mətbuat katibi ilə KİV nümayəndələrinin görüşü keçirilib

-

ətraflı »
07
sentyabr
Azərbaycan Mətbuat Şurası «Mediada Azərbaycan dilinin qorunması: problemlər və perspektivlər» mövzusunda «dəyirmi masa» keçirib

-

ətraflı »
26
avqust
Mətbuat Şurasında türk dünyasından olan bir qrup şair və yazıçı ilə görüş keçirilib

-

ətraflı »
27
iyul
Azərbaycan Mətbuat Şurası ilə Udmurdiya Jurnalistlər İttifaqı arasında anlaşma memorandumu imzalanıb

-

ətraflı »
24
iyul
Mətbuat Şurasının İdarə Heyətinin iclası keçirilib

Bu gün Azərbaycan Mətbuat Şurasının İdarə Heyətinin növbəti iclası keçirilib

ətraflı »