Azercell
Sayt "Azercell" Telekom MMC dəstəyi ilə yaradılıb

aipce wapc
Ünvan
Azərbaycan, Bakı ş.
T.Əliyev küçəsi 38

Telefonlar:
(+994 12) 541-59-49
Faks:
(+994 12) 441-35-30
Azərbaycan Mətbuat Şurası Şikayətlər üzrə Komissiyasının iclası keçirilib

3 sayta xəbərdarlıq edildi

Bu gün Azərbaycan Mətbuat Şurası Şikayətlər üzrə Komissiyasının iclası keçirilib. MŞ sədrinin müavini, Beynəlxalq Avrasiya Mətbuat Fondunun rəhbəri Umud Rəhimoğlunun başçılıq etdiyi komissiya 4 məsələnin müzakirəsini aparıb.

 

İclasda iki sayta Azərbaycan Mətbuat Şurasının ciddi, birinə isə xəbərdarlığının olunması barədə rəylər çıxarılıb.

 

Öncə Masallı rayonundan bir qrup ziyalının Jurnalist Araşdırmaları Mərkəzinin (jam.az) bu bölgə barədə təqdim etdiyi materiallarla əlaqədar müraciəti araşdrılıb. Komissiya üzvlərinin çıxışlarında saytda il ərzində, xüsusilə son aylarda yoxlanılmayan, qarşı tərəfin mövqeyinə aydınlıq gətirilməyən informasiyaların verilməsi JAM-ın direktoru Fikrət Fərəməzoğluna irad tutulub. “Azərbaycan Jurnalistlərinin Peşə Davranışı Qaydaları”nın tələblərinə sayğısızlıq hallarına görə “jam.az” saytına MŞ-nin xəbərdarlığının olunması rəyinə gəlinib.

 

“Poliqon” İnformasiya Agentliyinin (pia.az) 27 mart 2014-cü ildə yayımladığı “AMİ-nin Salyan filialında nələr baş verir?” sərlövhəli yazı ilə əlaqədar Azərbaycan Müəllim İnstitutunun adıçəkilən filialının şikayətinin müzakirəsi cavabdeh tərəfə Mətbuat Şurasının ciddi xəbərdarlığının olunması ilə nəticələnib. Saytın rəhbəri Azər Qaramanlıya informasiya agentliyinin fəaliyyətində dönüş yaradılması tövsiyə olunub.

 

Komissiya “demokratiya.info” saytına (direktoru Xəyyam Salmanzadə) da Mətbuat Şurasının ciddi xəbərdarlığının elan edilməsini məntiqi sayıb. Araşdırma zamanı belə qənaətə gəlinib ki, saytda Salyan Rayon İcra Hakimiyyəti ilə yanaşı digər idarə, müəssisə və təşkilatlar barədə gedən yazılarda birtərəfli fikirlər yer alır, şərəf və ləyaqətin təhqiri, işgüzar nüfuzun ləkələnməsi hallarına yol verilir.

 

“Yeni Müsavat” qəzetinin Azərbaycan Respublikasının Əmlak Məsələləri Dövlət Komitəsinin MŞ-yə məktubunda irəli sürülən qurumun rəsmi mövqeyinin həmin mətbu orqanda dərci ilə bağlı tələbini yerinə yetirməyə hazır olmasını əsas götürən komissiya məsələni həllini tapmış sayıb.

 

 

 


01
noyabr
Azərbaycan Mətbuat Şurasının İdarə Heyətinin iclası keçirilib

-

ətraflı »
27
oktyabr
Azərbaycan Mətbuat Şurasının bəyanatı

-

ətraflı »
25
oktyabr
Mətbuat Şurasında ərəb ölkələrindən olan bir qrup jurnalistlə ölkəmizin KİV rəhbərlərinin görüşü keçirilib

-

ətraflı »
24
oktyabr
İranın İRNA Xəbər Agentliyinin baş direktoru Mətbuat Şurasında olub

-

ətraflı »
14
sentyabr
Əflatun Amaşov Gürcüstanın Azərbaycandakı səfiri ilə görüşüb

-

ətraflı »
14
sentyabr
İranın Azərbaycandakı Səfirliyinin mətbuat katibi ilə KİV nümayəndələrinin görüşü keçirilib

-

ətraflı »