Azercell
Sayt "Azercell" Telekom MMC dəstəyi ilə yaradılıb

aipce wapc
Ünvan
Azərbaycan, Bakı ş.
T.Əliyev küçəsi 38

Telefonlar:
(+994 12) 541-59-49
Faks:
(+994 12) 441-35-30
«Reket jurnalistika»ya qarşı mübarizə Komissiyasının iclası keçirilib

İclasda 9 mətbu nəşrlə bağlı məsələlər araşdırılıb

Bu gün Azərbaycan Mətbuat Şurası «Reket jurnalistika»ya qarşı mübarizə Komissiyasının iclası keçirilib. MŞ İdarə Heyətinin üzvü, «İki sahil» qəzetinin baş redaktoru Vüqar Rəhimzadənin başçılıq etdiyi komissiyanın üzvləri 9 mətbu nəşrlə bağlı məsələləri araşdırıblar. Öncə Şuranın Şikayətlər üzrə Komissiyasının 11 mart 2011-ci il tarixli iclasının tövsiyəsinə uyğun olaraq 3 qəzet barədə müzakirələr aparılıb.

Komissiya «Ədalət carçısı» qəzetindən şikayət doğuran materialları araşdırarkən belə qənaətə gəlib ki, bu mətbu nəşrin fəaliyyətində «reket jurnalistika»ya xas cəhətlər üstünlük təşkil edir. Onun yalnız 17 mart 2011-ci il tarixli sayında gedən ondan çox məqalə müzakirə predmetinə çevrilə bilərdi. Buna görə də həmin kütləvi informasiya vasitəsinin adının MŞ-nin «qara siyahı»sına salınması üçün Şuranın İdarə Heyətinə müvafiq rəy təqdim olunmalıdır.

Komissiya yekdilliklə rəyə gəlib ki, «Cəmiyyət» qəzetində etik prinsiplərə sayğısızlıq və digər məqamlar əsas götürülərək bu KİV-ə Şuranın ciddi xəbərdarlığı edilməli, nəşrin üç aylıq saylarının monitorinqi aparılmalıdır. Bununla da qəzetin adının Şuranın «qara siyahı»sına salınmasına nə dərəcədə əsasların olduğu müəyyənləşdirilməlidir. Digər rəydə isə toplanmış materialların «Azərbaycan gündəmi» qəzetinə Şuranın xəbərdarlığının edilməsi üçün kifayət qədər əsasların mövcud olduğu fikri yer alıb.

İclasda Tovuz Rayon Təhsil Şöbəsinin «Təhqiqatın gücü» qəzeti ilə əlaqədar müraciətinə baxılarkən məsələnin motivində inzibati orqanların araşdırmalı olduğu məqamların üstünlüyü nəzərə alınıb. Komissiya ioplanmış materialların inzibati orqanlara göndərilməsi razılığına gəlib. İclasda həmçinin «Ədalət məşəli» və «Yeni hakimiyyət» qəzetləri ilə bağlı araşdırmaların davam etdirilməsi də məqbul sayılıb.

Komissiya üzvləri adında «Parlament» sözü olan bir sıra qəzetlərdən son vaxtlar MŞ-yə mütəmadi müraciətlərin ünvanlanmasına da münasibət bildiriblər. Qeyd olunub ki, dövlət orqanlarının adlarından belə sui-istifadə hallarının qarşısının alınması məqsədilə Ədliyyə Nazirliyi qarşısında məsələ qaldırılmalıdır. Digər təklifdə isə daha çox mətbu nəşri MŞ-nin «qara siyahı»sında olan KİV rəhbərləri barədə də ciddi ölçü götürülməsi imkanlarının müəyyənləşdirilməsi qərara alınıb.


18
oktyabr
MŞ sədri QDİƏT komitəsinin iclasında iştirak edəcək

-

ətraflı »
13
oktyabr
Azərbaycan Mətbuat Şurasının sədri Avropa Mətbuat Şuraları Alyansının illik toplantısında iştirak edib

-

ətraflı »
10
oktyabr
MŞ sədri Avropa Mətbuat Şuraları Alyansının illik toplantısına qatılacaq

-

ətraflı »
07
oktyabr
Mətbuat Şurası mitinqdə monitorinq aparıb

-

ətraflı »
05
oktyabr
Mətbuat Şurasının Şikayətlər üzrə Komissiyasının iclası keçirilib

-

ətraflı »
02
oktyabr
MŞ və BAMF-ın birgə təşəbbüsü ilə cəbhə bölgəsinə səfər təşkil olunub

-

ətraflı »