Azercell
Sayt "Azercell" Telekom MMC dəstəyi ilə yaradılıb

aipce wapc
Ünvan
Azərbaycan, Bakı ş.
T.Əliyev küçəsi 38

Telefonlar:
(+994 12) 541-59-49
Faks:
(+994 12) 441-35-30
Şöhrət ordenli veteran jurnalist Mətbuat Şurasında olub

-

Əməkdar jurnalist, Şöhrət ordenli qələm sahibi Əli İldırımoğlu Azərbaycan Mətbuat Şurasına özünün Seçilmiş əsərlərinin yenicə çapdan çıxmış 12 cildliyini təqdim edib. 

90 yaşlı veteran jurnalisti salamlayan MŞ sədri, Milli Məclisin deputatı Əflatun Amaşov bildirib ki, rəhbərlik etdiyi qurumun fəaliyyətində ömrünü-gününü jurnalistika peşəsinə sərf etmiş şəxslərin əməyi daim yüksək qiymətləndirilir. O bu məqsədlə MŞ-nin tərkibində Ahıl Jurnalistlər Məclisinin yaradıldığını diqqətə çatdırıb. Məclis veteran qələm sahiblərinin yaradıcılıq gecələrini, müəllifləri olduqları kitabların təqdimatını, yubileylərini təşkil edir, səhhətində problemləri olanlara evlərində baş çəkir. Belə bir ənənənin mövcudluğu isə son dərəcə əhəmiyyətlidir. Çünki ahıl jurnalistlər gənc jurnalistlər üçün mühüm təcrübə mənbəyidirlər. 

Veteran jurnalist Ə.İldırımoğlu jurnalist peşəsinin incəliklərindən söz açıb. Müasir dövrdə inkişaf etmiş jurnalistika ənənələrinin mövcudluğunun pozitiv tərəflərinə diqqət yetirib. O, həmçinin son illər özünün bədii yaradıcılıq fəaliyyəti barədə də məlumat verib. 

Qeyd edək ki, Məmişov Əli İldırım oğlu 17 noyabr 1927-ci ildə Qubadlı rayonunda anadan olub. 1955-ci ilin yanvar ayından 1991-ci ilin sonuna qədər "Xalq qəzeti"nin ("Kommunist") xüsusi müxbiri kimi çalışıb. Daha sonra "Həyat" qəzetində eyni vəzifədə işləyib. Yüzlərlə oçerk, felyeton, hekayə və povestlərdən ibarət "Yazım-yazmayım", "Maykalar", "Telepat", "Çinarlı", "Dərd", "Silinməz izlər" kitablarının, "Həmin adam", "Közərən sətirlər", "Mənim rəncbər atam" iki hissədən ibarət olan "Zorən jurnalist", "Aqibət, "Qarlı gecələr", "Daş yağam gün" romanlarının müəllifidir. 

Ə.İldırımoğlu 1988-ci ildə "Əməkdar Jurnalist" adına layiq görülüb. Türkiyənin Türk Dünyası Araşdırmaları Beynəlxalq Elmlər Akademiyası tərəfindən türk ədəbiyyatının inkişafında göstərdiyi xidmətlərə görə "Türk Ədəbiyyatına Xidmət" beynəlxalq mükafatı ilə təltif edilib. Ustad jurnalist həmçinin Azərbaycan Respublikası Prezidentinin 2007-ci il 16 noyabr tarixli Sərəncamı ilə Azərbaycan ədəbiyyatı və jurnalistikasının inkişafındakı xidmətlərinə görə "Şöhrət" ordeni ilə təltif olunub.

 


14
sentyabr
Əflatun Amaşov Gürcüstanın Azərbaycandakı səfiri ilə görüşüb

-

ətraflı »
14
sentyabr
İranın Azərbaycandakı Səfirliyinin mətbuat katibi ilə KİV nümayəndələrinin görüşü keçirilib

-

ətraflı »
07
sentyabr
Azərbaycan Mətbuat Şurası «Mediada Azərbaycan dilinin qorunması: problemlər və perspektivlər» mövzusunda «dəyirmi masa» keçirib

-

ətraflı »
26
avqust
Mətbuat Şurasında türk dünyasından olan bir qrup şair və yazıçı ilə görüş keçirilib

-

ətraflı »
27
iyul
Azərbaycan Mətbuat Şurası ilə Udmurdiya Jurnalistlər İttifaqı arasında anlaşma memorandumu imzalanıb

-

ətraflı »
24
iyul
Mətbuat Şurasının İdarə Heyətinin iclası keçirilib

Bu gün Azərbaycan Mətbuat Şurasının İdarə Heyətinin növbəti iclası keçirilib

ətraflı »