Azercell
Sayt "Azercell" Telekom MMC dəstəyi ilə yaradılıb

aipce wapc
Ünvan
Azərbaycan, Bakı ş.
T.Əliyev küçəsi 38

Telefonlar:
(+994 12) 541-59-49
Faks:
(+994 12) 441-35-30
Azərbaycan Mətbuat Şurasının məlumatı

Məqalə müsabiqəsinə sənəd qəbulunun vaxtı 15 iyun 2012-ci il tarixədək uzadılır

Türkiyənin Azərbaycandakı Səfirliyinin Mədəniyyət Müşavirliyinin və Azərbaycan Mətbuat Şurasının mayın 21-də «Azərbaycan-Türkiyə: qardaşlıqdan doğan tərəfdaşlıq» mövzusunda elan etdiyi yazı və publisistik məqalə müsabiqəsinə sənəd qəbulunun vaxtı 15 iyun 2012-ci il tarixədək uzadılır.

 

Müsabiqənin məqsədi Azərbaycan və Türkiyə arasında diplomatik münasibətlərin qurulması kimi mühüm hadisənin ötən 20 illik dövrünün, ayrı-ayrı spesifik cəhətlərinin mediada işıqlandırılmasını stimullaşdırmaqdan, kütləvi informasiya vasitələrinin bu istiqamətdəki yaradıcılıq dairəsinin daha peşəkar materiallarla genişləndirilməsinə, jurnalistikanın janr xüsusiyyətlərinin dərinləşməsinə dəstək göstərməkdən ibarətdir.

 

Müsabiqəyə KİV-lərdə - qəzet, jurnal, informasiya agentlikləri və xəbər portallarında gedən materiallar qəbul ediləcək.

 

1. Müsabiqəyə hər jurnalist yalnız bir yazı təqdim edə bilər.

2. Yazı son bir ildə mütəmadi fəaliyyət göstərən KİV-lərdə - qəzet, jurnal, informasiya agentlikləri və xəbər portallarında dərc edilməlidir.

3. Yazı Azərbaycan Mətbuat Şurasının tərtib etdiyi “qara siyahı”ya düşməyən mətbuat orqanlarında dərc edilməlidir.

4. Yazılarda dil məhdudiyyəti nəzərdə tutulmur.

5. Yazıda “Azərbaycan-Türkiyə: qardaşlıqdan doğan tərəfdaşlıq” mövzusunda müsabiqəyə təqdim olunur” qeydi göstərilməlidir.

6. Yazının dərc olunduğu media orqanı (1 nüsxə),  A4 formatda çap (1 nüsxə) və elektron (Times New Roman şriftində, diskdə) variantları təqdim olunmalıdır. Elektron media vasitələrində çap edilən yazıların linki də diskdə təqdim olunmalıdır.

7. Yazılar 9-11 min işarədən çox olmamalıdır.

8. Yazılar şəxsən 2012-cu il iyun ayının 15-dək, rəsmi iş günləri saat 10.00-dan 17.00-dək Azərbaycan Mətbuat Şurasına təqdim olunmalıdır.

 

Yazılarda üstünlük veriləcəkdir:

 

-  mövzuların əhatə olunması, jurnalist araşdırması, əsaslandırma;

-  materialın oxucu üçün informasiyalılıq səviyyəsi;

-  yazının dil və üslub xüsusiyyətləri, bədii-estetik ifadəsi;

-  jurnalist peşəkarlığı, müasir jurnalistika texnologiyalarının tətbiqi;

-  jurnalist obyektivliyi, qərəzsizliyi, tərəfsizliyi və məsuliyyəti;

-  ictimai maraqların müdafiəsi.

 

Müsabiqə üzrə 7 qalib müəyyənləşdiriləcək. Onların Türkiyənin müxtəlif görməli yerlərinə, tarixi bölgələrinə səfərləri təşkil ediləcək, həmin səfərlər çərçivəsində onların türkiyəli həmkarları ilə yaradıcılıq mübadiləsi aparmalarına şərait yaradılacaq.

 

Qaliblər həmçinin Azərbaycan Mətbuat Şurasının və Türkiyənin Azərbaycandakı Səfirliyinin diplomu ilə təltif olunacaqlar.

 

 


29
dekabr
MŞ-nin Şikayətlər üzrə Komissiyası 2017-ci ildəki sonuncu iclasını keçirib

-

ətraflı »
26
dekabr
Mətbuat Şurasının Şikayətlər üzrə Komissiyasının iclası keçirilib

-

ətraflı »
26
dekabr
MŞ-nin “apellyasiya qrupu”nun iclası keçirilib

-

ətraflı »
22
dekabr
Veteran jurnalist Məzahir Süleymanzadənin 65 illik yubileyinə həsr olunmuş toplantı keçirilib

-

ətraflı »
22
dekabr
Mətbuat Şurasında Azərbaycan İctimaiyyətlə Əlaqələr Mütəxəssisləri Assosiasiyasının təmsilçiləri ilə görüş keçirilib

-

ətraflı »
21
dekabr
Qələmdən süzülən qüdrət – Mətbuat Şurasının İdarə Heyətinin üzvü Vüqar Rəhimzadənin 50 illik yubileyi münasibəti ilə tədbir keçirilib

-

ətraflı »