Azercell
Sayt "Azercell" Telekom MMC dəstəyi ilə yaradılıb

aipce wapc
Ünvan
Azərbaycan, Bakı ş.
T.Əliyev küçəsi 38

Telefonlar:
(+994 12) 541-59-49
Faks:
(+994 12) 441-35-30
Türkiyə Səfirliyinin mətbuat müşaviri Mətbuat Şurasında olub

-

Bu gün Türkiyənin Azərbaycandakı Səfirliyinin mətbuat müşaviri Hamit Karadeniz Azərbaycan Mətbuat Şurasında olub. Görüş Azərbaycan və Türkiyə mediası arasında əməkdaşlığın inkişaf etdirilməsi yolları ətrafında fikir mübadiləsi aparmaq məqsədi daşıyıb.

Mətbuat Şurasının sədri, Milli Məclisin deputatı Əflatun Amaşov bildirib ki, hər iki ölkə mediası Azərbaycan və Türkiyənin ortaq maraqlarından çıxış edərək fəaliyyət göstərməkdədir. Bu cəhət illərdən bəri həyata keçirilən işlərin ən böyük nəticəsidir. Rəsmi səviyyədə olduğu kimi, media müstəvisində də işbirliyinin uğurlarından söhöət açmaq üçün kifayət qədər dolğun əsaslar var. Lakin götürülmüş kursun davamına, yeni birgə fəaliyyət istiqamətlərinin müəyyənləşdirilməsinə ehtiyac da duyulmaqdadır.

Türkiyənin Azərbaycandakı Səfirliyinin mətbuat müşaviri H.Karadeniz də eyni fikri bölüşərək bildirib ki, Türkiyədə bu il iyulun 15-də həyata keçirilmiş dövlət çevrilişi cəhdi Azərbaycanın kütləvi informasiya vasitələrində qətiyyətlə pislənildi. Belə mövqenin nümayişinin son dərəcə vacib əhəmiyyət daşıdığını vurğulayan H.Karadeniz əlavə edib ki, Fətullah Gülən tərəfindən idarə olunan terrorçu qruplaşmaların gerçəkləşdirmək istədikləri məkrli plan Türkiyənin dövlətçilik maraqlarına ciddi təhdid idi. Bu planın Azərbaycana təsiri barədə müxtəlif fikirlər səsləndi, mülahizələr irəli sürüldü. Mövcud durum məsələyə qardaş ölkələrin dövlətçilik maraqları nöqteyi-nəzərdən yanaşmanı aktuallaşdırır. Həmin yanaşmanı doğru və dürüst şəkildə cəmiyyətə çatdıran isə mediadır.

 Görüşdə terrorun doğurduğu nəticələr, dini cərəyan və sektaların dövlətçilik maraqlarına vurduğu zərbə və sair mövzuların Azərbaycanın və Türkiyənin media qurumlarının, jurnalistlərinin ortaq toplantısında müzakirəyə çıxarılmasının zəruriliyi təklif edilib. Bu istiqamətdə təşkilati və texniki işlərə başlanılması məqbul sayılıb.

 

 


20
oktyabr
MŞ sədri QDİƏT komitəsinin iclasında iştirak edib

-

ətraflı »
18
oktyabr
MŞ sədri QDİƏT komitəsinin iclasında iştirak edəcək

-

ətraflı »
13
oktyabr
Azərbaycan Mətbuat Şurasının sədri Avropa Mətbuat Şuraları Alyansının illik toplantısında iştirak edib

-

ətraflı »
10
oktyabr
MŞ sədri Avropa Mətbuat Şuraları Alyansının illik toplantısına qatılacaq

-

ətraflı »
07
oktyabr
Mətbuat Şurası mitinqdə monitorinq aparıb

-

ətraflı »
05
oktyabr
Mətbuat Şurasının Şikayətlər üzrə Komissiyasının iclası keçirilib

-

ətraflı »