Azercell
Sayt "Azercell" Telekom MMC dəstəyi ilə yaradılıb

aipce wapc
Ünvan
Azərbaycan, Bakı ş.
T.Əliyev küçəsi 38

Telefonlar:
(+994 12) 541-59-49
Faks:
(+994 12) 441-35-30
Azərbaycan Mətbuat Şurasının sədri Avropa Mətbuat Şuraları Alyansının illik toplantısında iştirak edib

-

Azərbaycan Mətbuat Şurasının sədri, Milli Məclisin deputatı Əflatun Amaşov və Şuranın İdarə Heyətinin üzvü, Demokratik Jurnalistlər Liqasının sədri Yadigar Məmmədli Avropa Mətbuat Şuraları Alyansının Macarıstanın paytaxtı Budapeşt şəhərində keçirilmiş illik toplantısında iştirak edib. 

MŞ sədri rəhbərlik etdiyi qurumun ötən bir ildəki fəaliyyəti barədə hesabat xarakterli çıxış edib. Şuranın əsas iş istiqamətləri barədə məlumat verən Ə.Amaşov bildirib ki, rəhbəri olduğu qurum qərar və rəylərinin çıxarılmasında “Azərbaycan Jurnalistlərinin Peşə Davranışı Qaydaları”nın müvafiq prinsip və bəndlərinə söykənir. Bu qaydalarda 4 prinsip əsas götürülür. 

Deputat elektron medianın fəaliyyətindən narazıların çoxalmasını xarakterik hal kimi önə çəkib. MŞ-nin mövcud xüsusdakı fəaliyyətinin spesifik məqamlarını qabardıb. O, Şuraya ünvanlanmış şikayətlərdəki bir sıra motivlərdən söz açıb. Qurumun fəaliyyətinə ictimai maraqların qorunmasına töhfə baxımdan aydınlıq gətirən Ə.Amaşov beynəlxalq təcrübədə rast gəlinməkdə olan konkret cəhətlərin oxşar və müqayisəli təhlilini də verib. 

Avropa Mətbuat Şuraları Alyansının illik toplantısında həmçinin Avropada, eləcə də dünyada söz və ifadə azadlığı ilə bağlı tendensiyalar, Mətbuat Şurası institutlarının bu müstəvidə daşıdıqları missiya, internet media ilə əlaqədar tənzimləmə mexanizmləri və digər məsələlər ətrafında fikir mübadiləsi aparılıb. 

Şuranın İdarə Heyətinin üzvü Yadigar Məmmədli çıxışında sosial şəbəkələrdə etik normaların pozulma ilə bağlı ayrı-ayrı məqamlardan söz açıb. Bu mövzudakı müzakirələrdə sosial şəbəkələrdə saxta profillərin şəxsi həyatın toxunulmazlığı prinsipinə təsiri məsələlərinə geniş yer verilib. 

Qeyd edək ki, Avropa Mətbuat Şuraları Alyansının illik toplantısı oktyabrın 11-dən 13-dək keçirilib. 


19
noyabr
MŞ “reket” KİV-lərlə bağlı hüquq mühafizə orqanlarına müraciət ünvanlayıb

-

ətraflı »
17
noyabr
525-i hədəfləyən «525»

-

ətraflı »
14
noyabr
Nekroloq

Altay Qulam oğlu Zahidov

ətraflı »
14
noyabr
Azərbaycan Mətbuat Şurasının MƏLUMATI

-

ətraflı »
08
noyabr
Mətbuat Şurasının “Reket jurnalistika”ya qarşı mübarizə Komissiyasının iclası keçirilib

-

ətraflı »
07
noyabr
Mediada kriminal hadisələrin işıqlandırılması: ictimai maraqlar və peşəkarlıq” mövzusunda konfrans keçiriləcək

-

ətraflı »