Vüqar Zifəroğlu
Azərbaycan Mətbuat Şurası sədrinin müavini
Əliyev Vüqar Zifər oğlu 12 oktyabr 1978-ci ildə Bakı şəhərində anadan olub.
1985-1995-ci illərdə Osman Mirzəyev adına 190 saylı orta məktəbdə oxuyub.
1995-2001 -ci illərdə BDU-da beynəlxalq jurnalistika ixtisası üzrə bakalavr və magistr təhsili alıb.
2005-ci ildə "Beynəlxalq jurnalistikada etik normalar və Azərbaycan mətbuatı" mövzusunda namizədlik dissertasiyası müdafiə edib.
2017-ci ildə "Müasir dövrdə xarici KIV-də informasiya ilə manipulyasiya və onun Azərbaycanın internet mediasına təsiri" mövzusunda doktorluq dissertasiyası müdafiə edib.
1999-2001- ci illərdə müxtəlif mətbuat orqanlarında çalışıb.
2001-2004 - cü illərdə BDU jurnalistikanın nəzəriyyəsi və təcrübəsi kafedrasında baş laborant vəzifəsində çalışıb.
2004-2006-ci illərdə BDU kafedrasında baş laborant vəzifəsində çalışıb.
2006-cı ildən BDU Beynəlxalq jurnalistika kafedrasında 0,5 ştat müəllim vəzifəsində çalışır.
2010-2017-ci illərdə "Jurnalistika" Elmi-tədqiqat laboratoriyasının müdiri olub.
Beynəlxalq jurnalist olaraq bloqqer kimi də fəaliyyət göstərir: ziferoglu.blogspot.com
2017-ci ildən Jurnalistika fakültəsinin dekanıdır.
Azərbaycan jurnalistlərinin 2022-ci ildə keçirilmiş VIII qurultayında Azərbaycan Mətbuat Şurasının İdarə Heyətinin üzvü seçilib.
Ailəlidir, 2 övladı var.
