Könül Niftəliyeva
Könül Qüdrət qızı Niftəliyeva 1973-cü ildə Dəvəçi rayonunda (indiki Şabran rayonu) anadan olub.
1990-cı ildə Dəvəçi rayonu 2 nömrəli orta məktəbi gümüş medalla bitirib.
1990-1995-ci illərdə Bakı Dövlət Universitetinin Jurnalistika fakültəsində təhsil alıb, təhsilini fərqlənmə diplomu ilə başa vurub.
1994-cü ildə Jurnalistikanın nəzəriyyəsi və təcrübəsi kafedrasında laborant vəzifəsində əmək fəaliyyətinə başlayıb.
2000-ci ildən elmi və pedaqoji fəaliyyətlə məşğuldur.
2008-ci ildə “Müasir Azərbaycan mətbuatının tipologiyası” mövzusunda namizədlik dissertasiyasını müdafiə edib, filologiya üzrə fəlsəfə doktorudur.
2014–2016-cı illərdə Bakı Dövlət Universitetinin SABAH Mərkəzinin koordinatoru, 2016–2021-ci illərdə Jurnalistika fakültəsində tədris işləri üzrə dekan müavini işləyib.
Elmi və pedaqoji fəaliyyəti ilə əlaqədar Böyük Britaniya, Fransa, Birləşmiş Ərəb Əmirlikləri, Türkiyədə keçirilən təlimlərdə və beynəlxalq konfranslarda iştirak edib.
40-dan çox elmi məqalənin, iki kitabın, bir dərs vəsaitinin və 50-yə yaxın publisistik məqalənin müəllifidir.
Hazırda Bakı Dövlət Universiteti Yeni media və kommunikasiya nəzəriyyəsi kafedrasının dosentidir.
Azərbaycan jurnalistlərinin 2026-cı il oktyabrın 16-da keçirilmiş IX qurultayında Azərbaycan Mətbuat Şurasının İdarə Heyətinin üzvü seçilib.
Ailəlidir, iki övladı var.
